E kuptuam se viti 2020 nuk është më i keqi në histori, e tani do ju tregojmë se lehtësimi vjen gjithmonë pas vështirësisë. Do fillojmë nga mjeksia për të treguar disa zbulime të cilat kanë përmisuar tepër jetën tonë:
A do mund ta paramendonit sa e vështirë do ishte të jepet diagnozë dhe pastaj tretman i duhur për lëndime të ndryshme pa patur teknologjinë për të skanuar kockat e trupit me reze X, nga fizicienti gjerman Wilhelm Conrad Röntgen, nga ku edhe e kemi emrin Röntgen.
Me zbulimin e veturave dhe mjeteve të tjera të shpejta ne kemi më tepër raste fatale ku njerëzit në aksident humbin ndonjë gjymtyrë siç është dora, këmba, krahu, etj. Sot ne e dijmë që teknologjia ka përparuar deri në atë nivel saqë të zavendësohen plotësisht ato dhe të kemi vrapues me të dy këmbët prej metali.
Të gjithë e dimë se nëse zemra vdes, personi vdes. Jo më! Mjeksia tani ka mundësi të zavendësojë zemrën me një zemër të një personi tjetër duke bërë transplant. Por, në raste nevoje, mundet edhe të përdor zemër artificiale.
A mund ta imagjinoni mankthin që do përjetonte një pacient i cili do operohej pa anestezion? Sot anestezionin e kemi në dispozicion edhe gjatë vizitave te dentisti.
Për të trajtuar virusin Covid-19 ne përdorim karantinën apo izolimin shtëpiak që të ndalojmë shpërndarjen. Por kjo metodë ka rrënjët 1000 vite më parë kur Ibn Sina e përdori atë për të parandaluar një virus të asaj kohe.
A harruam për zbulimet e tjera të cilat ndryshuan jetën tonë, të kujtojmë disa:
Ju e shihni si normale të udhëtoni për disa orë me aeroplanë deri në destinacionin turistik, por a mund ta imagjinoni sa e mundimshme do ishte kjo rrugë në këmbë apo me kafshë transporti?
Sa e sa këngë janë thurrur për kurbetin dhe sa e sa nëna me vite e vite nuk janë parë me fëmijët e tyre. Sot, dita niset dhe përfundon me një video telefonatë ndërmjet antarëve të familjes të cilët nuk jetojnë bashkë
Ajo që dëshirojmë të themi është se jeta gjithmonë do jetë e përzier me momente të trishtueshme dhe momente të lumtura. Ne duhet ta ngulisim këtë fakt në mendjen tonë. Të përballojmë sfidat që do na shfaqen dhe të kënaqemi me mirësitë e shumta.
Gjithmonë pas vështirësisë vjen lehtësimi! Asnjëherë mos e dysho këtë!