Profesori të nxjerr në drasë për të zgjidhur një problem matematikor. Sapo fillon të ecësh e ndjen se si zemra rreh më shpejtë, pëllëmbët fillojnë të djersiten dhe nuk mund të koncetrohesh aspak. Nëse ke patur një ndjenjë të ngjashme, mos u mërzit. Ky fenomen njihet me emrin “Ankth Matematikor”.

Nëse të ndodh kjo, dije se nuk je vetëm. Hulumtuesit mendojnë se 20 përqind e popullatës e kanë.

Të kesh Ankth Matematikor nuk do të thotë se ti nuk di matematikë. Edhe matematikani francez, Laurent Schwartz, kishte ankth matematikor në shkollë të mesme, por pastaj e fitoi medaljen Fields, një prej çmimeve më të larta në matematikë.

Një keqkuptim i përsëritur është se njerëzit ndihen të stresuar për matematikën përshkak të mungesës së dijes. Por shpesh herë është e kundërta, ato nuk dinë t’i zgjedhin problemet sepse ndjehen të stresuar, e jo sepse nuk dijnë.

E pse ndodh kjo? Shumë studime sugjerojnë se kjo rezulton nga mënyra se si nxënësi është njoftuar me matematikën, nga prindërit ose mësuesit. Nëse ata flasin për matematikën si diçka e panjohur dhe e vështirë, atëherë fëmijët do të marrin të njëjtin mendim. Pra, çfarë mund të bëjmë ne?

Duhet të provojmë teknikat e relaksimit si: ushtrime të frymëmarjes, meditim, ecje në natyrë në ambient të qetë, etj. Këto njihen si metoda të suksesshme për uljen e nivelit të ankthit.

Nëse vëzhgojmë rreth nesh, shanset janë që të takojmë dikë me të njëjtat probleme. Vetëm mos harrojmë se ankthi nuk është një pasqyrim i aftësive tona, por është diçka që mund të përmisohet me kohë dhe përpjekje.